پلەی گەرما لە عێراق دەگاتە 50 و لە هەرێمی کوردستانیش فێنکی دەکات

ئاڤا نیوز

دەستەی کەشناسیی عێراق ڕایدەگەیێنێت، پلەکانی گەرما لە چەند شارێکی عێراق بەرزدەبێتەوە بۆ نیوەکوڵان. کەشناسی هەرێمی کوردستانیش ڕایدەگەیەنێت ئەم چەند ڕۆژە فێنکی دەکات.

وێنە گەورەکە: ساڵانە لە وەرزی هاویندا لە بەشێکی شارەکانی ناوەڕاست و خوارووی عێراق پلەکانی گەرما بۆ سەرووی 50 بەرز دەبنەوە، بەو هۆیەوە پشوو ڕادەگەیێنرێت. لەگەڵ نزیکبوونەوەی گەلاوێژیش پلەکانی گەرما بەتایبەت لە هەرێمی کوردستان  دادەبەزن.

ڕاگەیێنراوی فەرمی: بەشی پێشبینی وەزارەتی گواستنەوە و گەیاندنی حکومەتی هەرێمی کوردستان ڕایگەیاندووە، ئەمڕۆ و بەیانی پلەکانی گەرما نزمدەبنەوە و ئاسمان بۆ نیمچەهەور دەگۆڕێت.

لەلایەکی دیکەوە: دەستەی پێشبینییەکانی کەشوهەوای عێراق ڕایگەیاندووە: لە چەند ڕۆژی ئایندەدا پلەکانی گەرما لە چەند شارێک بۆ نیوەکوڵان واتا 50 پلە بەرز دەبنەوە.

ژمارەکان وادەڵێن: پلەکانی گەرمی لە شارەکانی هەرێمی کوردستان بۆ ئەمڕۆ دووشەممە بەمجۆرە دەبێت و بەیانی پلەیەک لە  هەموو شارەکان دادەبەزێت:

هەولێر : 43 
سلێمانی :41 
دهۆک 42 
کەرکوک : 45
هەڵەبجە : 43 
زاخۆ :43 
سۆران : 42
حاجی ئۆمەران : 32
گەرمیان : 45