ئاسایشی نیشتمانی: لە مساڵدا 192 "تیرۆریست"مان دەستگیرکردووە

ئاڤا نیوز  

دەزگای ئاسایشی نیشتمانیی عێراق دەستگیرکردنی 192 "تیرۆریستی" لە ماوەی ئەمساڵدا ڕاگەیاند، ئاماژە بۆ ئەوە دەکات 21 "تیرۆریستیان" لە پارێزگای سلێمانی بووە.

وێنە گەورەکە: سەرەڕای شکستی داعش لە عێراق، بەڵام هێشتا بەشێکی زۆر لە ئەندامان و سەرکردەکانی ئەو ڕێکخراوە دەستگیر نەکراون و هێزە ئەمنییەکان بەردەوامن لە دەستگیرکردن و بە ئامانجگرتنیان.

لێدوانی فەرمی: ئەبو عەلی بەسەری، سەرۆکی دەزگای ئاسایشی نیشتمانی بە ئاژانسی فەرمیی عێراقی ڕاگەیاند:لەمساڵدا چەندین تۆڕی تیرۆریستی لەنێو عێراق و دەرەوەی عێراق هەڵوەشێنراونەتەوە، هاوکات 192 تیرۆریست دەستگیرکراون، لەگەڵ دەستگیرکردنی 21 کەس بە تۆمەتی تیرۆر لە پارێزگای سلێمانی کە لەنێویاندا دوو سەرکردەی تیرۆریستی داعش هەن.

زانیاریی زیاتر: 600 تۆمەتبار بەهۆی گێچەڵی ئەلیکترۆنییەوە دەستگیرکراون، هەر لە ماوەی ئەمساڵ 478 کەس بە بە تۆمەتی بازرگانیکردن بە ماددە هۆشبەرەکانەوە دەستگیرکراون. ئەبو عەلی بەسەری وا دەڵێت.