پاڵاوگەكانی هەولێر دەبرێنە دەرەوەی شار

ئاڤا نیوز  

بۆ كەمكردنەوەی زیانەكانیان بۆ تەندروستیی مرۆڤ و ژینگە، پارێزگای هەولێر لە هەوڵدایە پاڵاوگەكان بباتە دەرەوەی شار.

وێنە گەورەكە: پارێزگای هەولێر هەڵمەتێکی بۆ کەمکردنەوەی کاریگەرییەکانی دروستبوونی ئەو تەمە چڕەی ئاسمانی هەولێری گرتووەتەوە دەستپێکردووە، بڕیارە سەرجەم پاڵاوگە نایاساییەکان دابخرێن و ببرێنە دەرەوەی شار.

لێدوانی فەرمی: ئومێد خۆشناو، پارێزگاری هەولێر لە كۆنفڕانسێكی ڕۆژنامەوانیدا ڕایگەیاند: پاڵاوگەکان سەرچاوەی ژیانی بەشێکی خەڵکن، بەڵام نابێت بەشێک بن لە تێکدانی ژینگەی شار، بەرهەمەکەیان سووتەمەنییە و پێویستی ژیانە، بۆیە دەبێت شێوەیەک بۆ کارکردنیان لە دەرەوەی شار بدۆزینەوە.

ئەوەی پێویستە بیزانیت: لە پلاندایە و كار بۆ ئەوە دەكەین زەوی بۆ پاڵاوگەكان لە دەرەوەی شار دابین بكرێت.ئومێد خۆشناو وای گوت.