یەکێتی: مافی تورکمانەکان لە کەرکووک پارێزراو دەبێت

ئاڤا نیوز

مەکتەبی سیاسی یەکێتیی نیشتمانیی کوردستان کۆبووەوە و داوا لە لایەنە براوەکانی کەرکووک دەکات "ناکۆکییەکان وەلا بنێن و  پێکەوە بەشدار بن لە پرۆسەی بەڕێوەبردن و خزمەتکردن".

وێنە گەورەکە: بەبێ بەشداری لایەنەکانی پارتی، بەرەی تورکمانی و نیوەی کوتلەی عەرەبی کۆبوونەوەی ئەنجوومەن لە بەغدا کرا، پۆستەکانی پارێزگای کەرکووک  دابەشکران.

ڕاگەینێراوی فەرمی: لە ڕاگەیێنراوی مەکتەبی سیاسیی یەکێتیی دا هاتووە: "برا تورکمانەکان دڵنیا دەکەینەوە هاوشێوەی پێکهاتەکانی  دیکە شوێنی گونجاو و شایستەی خۆیان هەیە لە بەڕێوەبردنی کەرکووک و یەكێتی داكۆكیكاری ڕاستەقینەی مافەكانیانە و رازیش نابێت هیچ كەس و لایەنێك مافەكانیان زەوت بكات".

زانیاریی زیاتر: یەکێتیی بانگهێشتی سەرجەم پارت و لایەنە بەشدابووەکانی ئەنجوومەنی پارێزگای کەرکووک دەکات، لەمڕۆوە ناکۆکییە لاوەکییەکان وەلا بنێن و پێکەوە بەشدار بن لە پرۆسەی بەڕێوەبردن و خزمەتکردن.