لە بەنداوی گۆمەسپانەوە ئاو بۆ چەند گەڕەكێكی هەولێر دابین دەكرێت

ئاڤا نیوز  

بەڕێوەبەری ئاوی هەولێر ئاشكرای دەكات، لە بەنداوی گۆمەسپانەوە ئاوی پاك بۆ چەند گەڕەكێكی هەولێر دابین دەكەن.

وێنە گەورەكە: لەڕێگەی بیر و هەرسێ پڕۆژەی ئیفرازی یەك و دوو و سێ، ئاوی پاك بۆ دانیشتووانی شاری هەولێر دابین دەكرێت، بەڵام هێشتا چەند گەڕەكێك گرفتی كەمئاوییان هەیە.

بۆچی گرنگە:بە ڕاكێشانی ئاوی پاك لە بەنداوی گۆمەسپانەوە، گرفتی كەمئاوی لەو گەڕەكانەش نامێنێت.

لێدوانی فەرمی: ڕابەر حوسێن، بەڕێوەبەری ئاوی هەولێر، بە فەرمانگەی میدیا و زانیاریی ڕایگەیاند: لەڕێگەی پڕۆژەیەكەوە ئاوی پاك لە بەنداوی گۆمەسپانەوە بۆ كەسنەزان و بنەسڵاوە و گەڕەكی هەشتی حەسارۆك و هەر گەڕەكێكی دیكەی هەولێر دابین دەكەین كە گرفتی كەمئاوییان هەیە.

زانیاریی زیاتر: لە پڕۆژەی بەنداوی گۆمەسپان، ئامادەكاریی بۆ ڕاكێشانی ئاوی پاك كراوە و پرۆسەی ڕاكێشانەكەش دوو ساڵ دەخایەنێت.

باكگراوند: بەنداوی گۆمەسپان، گەورەترین بەنداوی پارێزگای هەولێر و سێیەمی سەر ئاستی هەرێمی كوردستانە، توانای گلدانەوەی 97 ملیۆن مەتر سێجا ئاوی هەیە.