ئاسایش ئاماری حەوت مانگی ڕابردووی دەستبەسەرداگرتنی ماددە هۆشبەرەکانی بڵاوکردەوە

ئاڤا نیوز  

گوتەبێژی دەزگای ئاسایشی هەرێمی کوردستان ڕایگەیاند، ئەمساڵ بەكارهێنان و بازرگانیكردن بە ماددەی هۆشبەر زیادی كردووە.

بڵاوکراوەی فەرمی: عەقید سەلام عەبدولخالق، گوتەبێژی دەزگای ئاسایشی هەرێمی کوردستان ڕایگەیاند:"ئەمڕۆ سێشەممە 13-8-2024،  بەفەرمانی دادوەر ئەو ماددە هۆشبەرانەی دەستیان بەسەرداگیرابوو، لەناودەبرێن، لە حەوت مانگی ئەم ساڵ بەراورد بە ساڵی ڕابردوو ڕێژەکە بەرزبووەتەوە".

ئەوەی پێویستە بیزانیت: ئێستا زیاتر لە دوو تۆن ماددەی هۆشبەری جۆراوجۆر دەستی بەسەردا گیڕاوە و لێکۆڵینەوەیان لەبارەوە دەکرێت، دوای فەرمانی دادوەر ئەوانیش لە ناودەبرێن، هەروەها لە ماوەی حەوت مانگدا 638 تۆمەتبار دەستگیرکراون، کە زیاتر لە 200 کەس بەکارهێنەربوون. عەقید سەلام وادەڵێت.

ژمارەکان وا دەڵێن: ڕێژە و جۆری ماددەکان:
1-    کریستاڵ 15 کیلۆ و 71 گرام.
2-    حەشیش 19 کیلۆ 415 گرامە.
3-    تلیاک بڕی چوار کیلۆ و 777 گرام.
4-    ماددەی ڤیتامین زیاتر لە چوار کیلۆگرامە.
5-    حەبی جۆراوجۆری ماددەی هۆشبەر نزیکەی 250 ملیۆن دەنکە.
6-    مۆرفین زیاتر لە 50 کیلۆگرامە بازرگانانی ماددەی هۆشبەر بەکاری دەهێنن.
7-     لەگەڵ ماددە جۆراوجۆرەکانی دیکەش کە لەلایەن لیژنەکانەوە دیاری کراون.

 

زانیاريی زیاتر: هەموو ئەو ماددەنە ئەمڕۆ لە بەرچاوی خەڵک لە ناودەبرێن و دەسوتێنرێن. گوتەبێژی دەزگای ئاسایش وادەڵێت.