وەزیری دەرەوەی ئێران بەوەكالەت: دەمانەوێت ناوچەكە ئارام  بێت

ئاڤا نیوز

 وەزیری دەرەوەی ئێران بەوەكالەت ڕایگەیاند "لەگەڵ ڕووسیا هاوكاریی تەواوەتیمان هەیە و دەمانەوێت ناوچەكە ئارام بێت".

 

وێنە گەورەکە: هەڵوێستی وەزیری دەرەوەی ئێران لەکاتێکدایە، دوای کوژرانی ئیسماعیل هەنییە سەرۆکی مەکتەبی سیاسی حەماس لە تاران، ئەو وڵاتە هەڕەشەی تۆڵەکردنەوە لە ئیسرائیل دەکات، هەڕەشەی ئێران و گرووپە چەکدارەکانیش مەترسی هەڵگیرسانی جەنگی لە ناوچەکە زیاد کردووە و وڵاتان داوا لە ئێران دەکەن ئەو هێرشە نەکات.

 

لێدوانی فەرمی: عەلی باقری، وەزیری دەرەوەی ئێران بە وەكالەت ڕایگەیاند:" لەگەڵ حیزبوڵڵا ڕاستەخۆ هێرشدەكەینە سەر ئیسرائیل ئەگەر لە ڕێككەوتن و ئاگربەست لە كەرتی غەززە بكشێتەوە و ڕێگری بكات لە ئەنجامدانی ئاگربەست و گەڕانەوەی بارمتەكان".

زانیاریی زیاتر:"لەگەڵ ڕووسیا هەماهەنگییەكی گرنگ و بەرچاومان هەیە، دەمانەوێت ناوچەكە ئارام بێت و هیچ ئاڵۆزییەك نەمێنێت، بەڵام ئێمە ڕێز لە سەروەری خاكی خۆمان دەگرین و سەروەری ئێران بۆ گەلەكەی گرنگە و بۆ هێرشكردنە سەر ئیسرائیل ئیزن لەكەس وەرناگرین".