خۆپێشاندەرانی توركمان و عەرەب هەوڵی چوونە نێو باڵەخانەی پارێزگای كەركووک دەدەن

ئاڤا نیوز 

 

خۆپێشاندانی بەشێک لە پێكهاتەی عەرەب و لایەنگرانی بەرەی توركمانی لە كەركووک دژی دانانی پارێزگار و سەرۆكی ئەنجوومەنی پارێزگا دەستی پێ کردووە.

 

وێنە گەورەكە: ئێوارەی ئەمڕۆ دژی دانانی پارێزگار و سەرۆكی ئەنجوومەنی پارێزگای كەركووک، خۆپێشاندانی بەشێک لە پێكهاتەی عەرەب و لایەنگرانی بەرەی توركمانی لەبەردەم بینای پارێزگای كەركووک دەستیپێكردووە و تاوەكو ئێستا بەردەوامە.

 

زانیاریی پەیامنێر: ڕۆكان مەحموود، پەیامنێری ئاڤا لە كەركووک ڕایگەیاند كە سەدان خۆپێشاندەری عەرەب و توركمان ئێستا لەبەردەم بینای پارێزگای كەركووك كۆبوونەوەتەوە و هەوڵی چوونە نێو بینای پارێزگا دەدەن، بەڵام لەلایەن هێزە ئەمنییەكانەوە ڕێگرییان لێ دەكرێت.

 

لەلایەكی دیكەوە: ئەمڕۆ سێشەممە د.عەبدوللەتیف ڕەشید، سەرۆککۆماری عێراق مەرسوومی کۆماری بۆ دەستبەکاربوونی ڕێبوار تەها، پارێزگاری کەرکووک دەرکرد.