بە زەبری هێز بڵاوە بە خۆپێشاندەرانی کەرکووک دەکرێت

ئاڤا نیوز

 

خۆپێشاندەرانی بەردەم باڵەخانەی پارێزگای کەرکووک لەلایەن هێزە ئەمنییەکانەوە بەزەبری هێز بڵاوەیان پێدەکرێت.

 

وێنە گەورەکە: ئێوارەی ئەمڕۆ 13-8-2024، بەشێک لەلایەنگرانی هاوپەیمانی عەرەبی و لایەنە تورکمانییەکان لەبەردەم باڵەخانەی پارێزگای کەرکووک خۆپێشاندانیان ئەنجامدا و داوای هەڵوەشاندنەوەی حکومەتی خۆجێیان کرد.

 

لە پەیامنێرەوە: دوای دوو کاتژمێر لە خۆپیشاندان هێزە ئەمنییەکان بەزەبر هەوڵی بڵاوەپێکردنی خۆپێشاندەران دەدەن، بەوهۆیەشەوە گرژی و ئاڵۆزی دروستبووە.

 

زانیاری زیاتر: خۆپێشاندەران بەنیازبوون لەبەردەم هەر سێ دەرگاکەی باڵەخانەی پارێزگا خێوەت هەڵبدەن و بەردەوامی بە خۆپێشاندان و ناڕەزایەتییەکانیان بدەن.

 

هۆکارە زانراوەکان: ئەفسەرێکی پۆلیس بە پەیامنێری ئاڤا نیوزی ڕاگەیاند، ئەوان لەسەرووی خۆیانەوە فەرمانیان پێکراوە بڵاوە بە خۆپێشاندەران بکەن.