چوارچێوەی هەماهەنگیی بۆ لایەنەکان: پارێزگاری لە ئارامیی کەرکووک بکەن

ئاڤا نیوز

 

چوارچێوەی هەماهەنگیی شیعەکان دەڵێت، دەیانەوێت دۆخی پارێزگای کەرکووک بە ئارامی بمێنێتەوە، ئەو لایەنانەشی لە ئیدارەی نوێی پارێزگاکە ناڕازین دەتوانن لە دادگەی عێراقی سکاڵا تۆمار بکەن.

 

وێنە گەورەکە: لە ئیدارەی نوێی کەرکووک تورکمان، پارتی و بەشێک لە پێکهاتەی عەرەبی بەشدارنین، ئەوان باوەڕیان وایە یەکلاییکردنەوەی پۆستەکان بە دەنگدانی زۆرینە نایاسایی بووە.

 

لێدوانی فەرمی: "لە دوا کۆبوونەوەی سەرکردەکانی چوارچێوەی هەماهەنگی پەیوەست بە ئیدارەی نوێی کەرکووک هەمووان هاوڕابوون کە پێویستە بە ئاراستەی پاراستنی ئارامی پارێزگاکە هەنگاو بنرێت"، سەلام زووبەیدی، گوتەبێژی هاوپەیمانیی نەسر وای بە ئاڤا نیوز گوت.

 

زانیاریی زیاتر: "ئەو لایەنانەی کە ناڕازین لە ئیدارەی نوێی کەرکووک، دەتوانن لە دادگەی عێراقی سکاڵا تۆمار بکەن، هەر بڕیارێکیش دادگە دەری بکات چوارچێوەی هەماهەنگی پشتیوانی لێدەکات و ئەو بڕیارە جێبەجێ دەکرێت" چوارچێوەی هەماهەنگی ئەوەی ڕاگەیاند.