یەکشەممەی داهاتوو پەرلەمانی عێراق کۆدەبێتەوە

ئاڤا نیوز

بڕیارە پەرلەمانی عێراق ڕۆژی یەکشەممەی داهاتوو کۆببێتەوە، بەپێی کارنامەی دانیشتنەکە خوێندنەوەی دووەم بۆ چەند پرۆژە یاسایەک دەکرێت و لەنێویاندا یاسایەک كە مشتومڕێکی زۆری لەسەرە.

وێنە گەورەکە: کاتژمێر یەکی دوای نیوەڕۆی ڕۆژی یەکشەممە 18-8-2024 پەرلەمانی عێراق دانیشتنی ئاسایی خۆی لە وەرزی دووەمی یاسادانان گرێدەدات.

ڕاگەیێنراوی فەرمی: نووسینگەی پەرلەمانی عێراق ڕایگەیاند:  دانیشتنەكە چوار بڕگە لەخۆدەگرێت، دیارترینیان خوێندنەوەی دووەمە بۆ پرۆژە یاسای هەمواری دووەمی یاسای لێبوردنی گشتیی ژمارە (27)ی ساڵی 2016، تەوەرێكی دیكەش گفتگۆکردن و خوێندنەوەی دووەمە بۆ پرۆژەیاسای پەیوەستبوونی عێراق بە ڕێککەوتننامەی پاریسی تایبەت بە پێشانگە نێودەوڵەتییەکان.

زانیاریی زیاتر:گفتوگۆکردن و خوێندنەوەی دووەم بۆ پرۆژەیاسای پارێزەران، گفتگۆکردن و خوێندنەوەی دووەم بۆ پرۆژەیاسای پەسەندکردنی ڕێککەوتنی گواستنەوەی ئاسمانی نێوان عێراق و سووریا دوو تەوەری دیكەی كۆبوونەوەكەن.