گەرمبوونی ئاوی دەریا كۆچ بە ماسییەكان دەكات

ئاڤا نیوز 

شارەزایانی بواری ژینگە ڕایدەگەیێنن، کۆچکردنی ماسییەکان بەهۆی گەرمبوونی ئاوی دەریا لە ئەفریقای باشوور بەگەورەترین جوڵەی ئاژەڵی دادەنرێت.

ڕاگەیێنراوی فەرمی: سەنتەری توێژینەوەی ئەفریقا ڕایگەیاند: ئەم کۆچەی ماسییەکان لە ئەفریقای باشوور لە ناوچە مامناوەندەکانەوە بۆ ئۆقیانووسی هیندی دەبێت، هاوکات باڵندەی ڕاوکەر و گیانلەبەرە دەریاییەکانی دیکەشی لەگەڵدایە.

ئەوەی پێویستە بیزانیت: ساردین، کە لە جۆری ماسییە سوێرەکانە و  پێنج خێزانی سەرەکی هەیە کە 21 ئەندامی جیاواز لەخۆ دەگرێت، یەکێکە لەو ماسییانەی خواستی زۆری لەسەرە بۆ ڕاوکردن و خواردن و بە یەکێک لە سامانە سروشتییەکانی باکووری ئەفریقا دادەنرێت.

کاریگەری و لێکەوتەکان: لەگەڵ کۆچکردنی ماسی ساردین، زۆر لە گیانلەبەرەکانی دیکەش کۆچ دەکەن، لەنێوانیاندا قرشەکان و ملیۆنان باڵندەی دیکە، کە سووڕی هێلکەدانیان لەگەڵ کۆچکردنی ماسی ساردین ڕێکدەخەن.