عێراق: هێزەکانی هاوپەیمانی نێودەوڵەتی لە عێراق ناکشێنەوە

ئاڤا نیوز

 

وەزارەتی دەرەوەی عێراق، دواخستنی ڕاگەیاندنی کشانەوەی هێزەکانی هاوپەیمانی نێودەوڵەتی لە عێراق ڕاگەیاند، هۆکارەکەشی گەڕاندەوە بۆ پێشهاتەکانی ئەم دواییەی ناوچەکە.

ڕاگه‌یێنراوی فه‌رمی: نووسینگەی ڕاگەیاندنی وەزارەتی دەرەوەی عێراق بڵاوی کردەوە: هیچ سەربازێکی ئەمریکی لەعێراقدا بوونی نییە، جگە لە ڕاوێژکاری سەربازی نەبێت کە لەچوارچێوەی هاوپەیمانی نێودەوڵەتیدا کاردەکەن .

زانیاریی زیاتر: لیژنەی باڵای سەربازی سەر بەهێزەکانی هاوپەیمانان  ھەڵسەنگاندنی مەترسییەکانی داعشیان کرد بۆ سەر ناوچەکە و نزیک بوون لەڕاگەیاندنی وادەی کشانەوەی سەرجەم ڕاوێژکارەکان لەعێراق، بەڵام بەهۆی پێشهاتەکانی ناوچەکە ڕاگەیاندنی ئەو پرسە دواخرا.

وێنە گەورەکە: دوای هاتنی چەکدارانی داعش لە ساڵی 2014 و داگیرکردنی بەشێک لە خاکی عێراق، ئەمریکا هێزی زیاتری ڕەوانەی عێراق کرد، بەڵام دوای نەمانی داعش بەشێک لە هێزە عێراقییەکان داوای کشانەوەی سوپای ئەمریکا دەکەن.