300  نەمامی جۆری ئەکاسیا لە دەروازەی بنەسڵاوە چێنران

ئاڤا نیوز

 

 بەبۆنەی یادی لەدایکبوونی سەرۆک بارزانی و ساڵڕۆژی دامەزراندنی پارتی دیموکراتی کوردستان، دەروازەی قەزای بنەسڵاوە لە هەولێر سەوزکرا.

وێنە گەورەکە: سەرۆکایەتی شارەوانی قەزای بنەسڵاوە، بەهاوکاری لیژنەی ناوچەی بنەسڵاوەی لقی 16 ی پارتی دیموکراتی کوردستان، شەقامی دەروازەی قەزاکەیان لەبەرامبەر پارکی هەوار سەوزکرد.

لێدوانی فەرمی: زریان سەباح، سەرۆکی شارەوانی بنەسڵاوە بە ئاڤا نیوزی ڕاگەیاند: لە ڕۆژانی داهاتووش هەڵمەتی نەمام چاندنەکە بەردەوام دەبێت، لەماوەی کابینەی نۆیەمی حکومەتی هەرێمی کوردستان توانراوە ڕێژەی سەوزایی لە قەزاکە %40 زیا دبکات".

باکگراوند: مەسعود مستەفا شێخ محەممەد شێخ عەبدولسەلام، له‌ رۆژی 16/8/1946 له‌ دایكبووە، ئەو ڕۆژە هاوکاتە لەگەڵ ڕۆژی دامەزراندنی پارتی دیموکراتی کوردستان، ساڵانە بۆ بەرز ڕاگرتنی ئەو بۆنەیە چەندین چالاکی جۆرا و جۆر بەڕێوەدەچن.