ئەمریکا مووشەکی پاتریۆت بە ئەڵمانیا دەفرۆشێت

ئاڤا نیوز

 

ئەمریکا ڕەزامەندیی لە سەر فرۆشتنی موشەک بە ئەڵمانیا دەربڕیوە.

 

زانیاریی زیاتر: ئەمریکا 600 مووشەکی جۆری پاتریۆت بە بەهای 5 ملیار دۆلار بە ئەڵمانیا دەفرۆشێت و بەمەش سیستەمی بەرگریی ئاسمانیی ئەڵمانیا بەهێزتر دەبێت. 

 

وێنە گەورەکە: لە دوای شەڕی ڕووسیا و ئۆکرانیا، پەیوەندییەکانی ڕووسیا و وڵاتانی ناتۆ گرژیی زیاتری تێکەوتووە. ئەمریکا و وڵاتانی دیکەی ناتۆ هەوڵ دەدەن توانا سەربازییەکانی خۆیان بەهێز بکەن.

 

ڕاگەیێنراوی فەرمی: ئاژانسی هاوکاریی ئەمنی و بەرگریی سەر بە پێنتاگۆن ڕایگەیاند، "فرۆشتنە پێشنیازکراوەکە توانای ئەڵمانیا بۆ ڕووبەڕووبوونەوەی هەڕەشەکانی ئێستا و داهاتوو بەهێزتر دەکات و تواناکانی بەرگریی سوپاکەی زیاتر دەکات".