لە ناوچە گەشتیاریيەكانی هەڵەبجە ماتۆڕ قەدەغە دەكرێت

ئاڤا نیوز 

لە ڕۆژانی پشوودا لە ناوچە گەشتیارییەكانی هەڵەبجە، هاتووچۆكردن بە ماتۆڕ سكیل قەدەغە دەكرێت، هەركەس بەكاری بهێنێت دەست بەسەر ماتۆڕەكەیدا دەگیرێت.

وێنە گەورەكە: بۆ ئەوەی گەشتیاران لە پارێزگای هەڵەبجە لە شوێنە گشتییەكان كاتێكی خۆش بەسەر بەرن و بە دەنگی ماتۆڕ بێزار نەبن، هاتووچۆی هەڵەبجە ڕۆژانی هەینی بەهەموو شێوەیەك ماتۆڕ سكیل قەدەغە دەكات.

لێدوانی فەرمی: ڕێبوار عومەر، گوتەبێژی ڕاگەیاندنی هاتووچۆی هەڵەبجە بە ئاڤا نیوزی گوت:"ئەم بڕیارە سەرجەم شوێنە گشتییەكان دەگرێتەوە و تەنیا لە ڕۆژی هەینیدا جێبەجێدەكرێت".

زانیاریی زیاتر: بڕیارەكە چووەتە بواری جێبەجێكردنەوە و كاریگەری هەبووە لەسەر ناوچە گەشتیارییەكان و دەنگی ماتۆڕ نابیسترێت، هەركەسێكیش سەرپێچی بكات سزای دەدەین. ڕێبوار عومەر وای وت.