سەرۆکوەزیران بارزانی و سەرۆکكۆماری توركیا كۆبوونەوە

ئاڤا نیوز

 

لە چوارچێوەی بەشداریكردنیان لە لووتكەی جیهانیی حكومەتەكان، سەرۆكوەزیران بارزانی و ڕەجەب تەیب ئەردۆغان سەرۆككۆماری توركیا كۆبوونەوە، "پەرەپێدانی پەیوەندی دوو لایەنەی نێوان هەرێمی كوردستان توركیا تاوتوێ كران و جەخت لە هەماهەنگیی لە پێناو پاراستنی ئاسایش و سەقامگیریی ناوچەكە كرایەوە".

 

بۆچی گرنگە: هەرێمی كوردستان و توركیا بەردەوام جەخت لەپتەوكردنی پەیوەندیەكانیان دەكەنەوە، لە كۆتایی ساڵی ڕابردوو سەرەتای ئەمساڵیشدا چەند وەزیر و بەرپرسێكی توركیا سەردانی هەرێمی كوردستانیان كردووە.

 ڕاگەیێنراوی فەرمی: "ئێوارەی ئەمڕۆ ، لە شاری دوبەی، لەگەڵ  ڕەجەب تەیب ئەردۆغان، سەرۆككۆماری توركیا كۆبووینەوە،لە كۆبوونەوەكەدا كە وەزیرانی دەرەوە و بەرگری و وزە و سەرچاوە سروشتییەكان و بازرگانی توركیا ئامادەی بوون، بارودۆخی گشتیی عێراق و ناوچەكە و پەرەپێدانی پەیوەندی دوولایەنەمان تاوتوێ كرد، جەختمان لە گرنگیی پتەوكردنی هاریكاریی و هەماهەنگیی لە پێناو پاراستنی ئاسایش و سەقامگیریی ناوچەكە كردەوە". نوسینگەی ڕاگەیاندنی سەرۆكوەزیران بارزانی ئەمەی ڕاگەیاندووە.

ئەوەی پێویستە بیزانیت: رۆژی 07-10-2023، رەجەب تەیب ئەردۆغان، سەركۆماری توركیا، دوای ئەوەی لەگەڵ شاندی عێڕاق و هەرێمی كوردستان كۆبوونەوەیەكی ئەنجامدا، لە كۆبوونەوەكەدا ئاماژەی بەوە دا، بەمزووانە سەردانی عێڕاق و هەرێمی كوردستان دەكات.

 

ڤیدیۆی كۆبوونەوەكە