ئەمریکا بۆ تاڵیبان: پێشێلکردنی ئاسمانی ئەفغانستان کێشەی ئێوەیە

ئاڤا نیوز 

لە بەرامبەر ڕەخنەکانی تاڵیبان لە پێشێلکردنی ئاسمانی ئەفغانستان لەلایەن فڕۆکەی بێفڕۆکەوانەوە، ئەمریکا ڕایگەیاند کە "ئەمە کێشەی تاڵیبانە نەک کێشەی ئێمە". 

وێنە گەورەکە: لە ماوەی ڕابردوو چەندین جار فڕۆکەی بێفڕۆکەوان سنووری پارێزگاکانی ئەفغانستانیان بەزاندووە، ئەمەش نیگەرانی بەرپرسانی تاڵیبانی لێکەوتووەتەوە.

 
لێدوانی فەرمی: سابرینا سینگ، جێگری گوتەبێژی وەزارەتی بەرگریی ئەمریکا لە کۆنگرەیەکی ڕۆژنامەوانیدا ڕایگەیاند: بەرنامەی "Over-The-Horizon" - "لە ئاسۆ" ی ئەمریکا ئامرازێکی کاریگەرە بۆ چاودێریکردن و بەڕێوەبردنی چالاکییەکانی ئەفغانستان. 

لە لایەکی دیکەوە: وەزیری بەرگریی تاڵیبان ڕەخنەی لە پێشێلکردنی ئاسمانی ئەفغانستان گرت و ڕایگەیاند "تالیبان هەوڵی ڕێگریکردن دەدات". 

ئەوەی پێویستە بیزانیت: تاڵیبان چەندین جار ئەمریکای بەوە تۆمەتبار کردووە، لە پشتی بابەتی فڕۆکە بێفڕۆکەوانەکانەوەیە لە ئەفغانستان.