پارێزگاری هەولێر: ڕۆژانی هەینیش کارکردن لە بازاڕی قەیسەریی ناوەستێت

ئاڤا نیوز

ڕۆژانە کارکردن لە نۆژەنکردنەوەی بازاڕی قەیسەریی هەولێر ناوەستێت، بۆ ئەوەی لە نزیکترین کاتدا بە ڕووی هاوڵاتییاندا بکرێتەوە.

وێنە گەورەکە: شەوی 5-5-2024 ئاگر لە بازاڕی قەیسەریی هەولێر کەوتەوە، بەهۆیەوە 227 دووکان و حەوت کۆگا سووتان.

لێدوانی فەرمی: ئومێد خۆشناو، پارێزگاری هەولێر ڕایگەیاند: بە گوژمەی پێنج ملیار و 300 ملیۆن دینار لە سەر بوودجەی پاریزگای هەولێر کارکردن لە نۆژەنکردنەوەی بازاڕی قەیسەریی رۆژانی هەینیش بەردەوامە، بۆ ئەوەی کاسبکاران لە نزیکترین کاتدا دەست بە کار و کەسابەتی خۆیان بکەنەوە. 

ئەوەی پێویستە بیزانیت: ڕۆژی 2-7-2024، هەردوو لیژنەی ئەمنیی لێكۆڵینەوەی هەرێمی کوردستان و وەزارەتی ناوخۆی عێراق، دەستگیرکردنی بکەرانی سووتانی بازاڕەکانی هەرێمی کوردستانیان ڕاگەیاند "دەرکەوت لەلایەن پەکەکەوە ڕاهێنانیان پێکرابوو".