لە بەسرە بەهۆی هاتنی زیارەتکاران سێ ڕۆژ دەکرێتە پشوو

ئاڤا نیوز

بەهۆی هاتنی زیارەتکاران و یادکردنەوەی چلەی ئیمام حوسێن، لە پارێزگای بەسرەی باشووری عێراق سێ ڕۆژ پشوو ڕاگەیێنرا.

وێنە گەورەکە: بەبۆنەی چلەی ماتەمینی ئیمام حوسێن لە سەرەتای هەفتەی داهاتوودا، ملیۆنان زیارەتکاری شیعەمەزهەبی عێراقی و بیانی سەردانی مەزارگەی ئیمام حوسێن دەکەن لە شاری کەربەلا، ئەوەش بە یەکێک لە گرنگترین ڕووداوەکان لە مەزهەبی شیعە دادەنرێت.

لێدوانی فەرمی: ئەسعەد عیدانی، پارێزگاری بەسرە ڕایگەیاند، بۆ زیندووکردنەوەی چلەی ئیمام حوسێن، بڕیاردراوە ڕۆژانی چوارشەممە و پێنجشەممەی ئەم هەفتەیە و ڕۆژی یەکشەممەی هەفتەی داهاتوو بکرێتە پشووی فەرمی.

باکگراوند: ساڵی ڕابردوو 22 ملیۆن پەیڕەوکاری مەزهەبی شیعە بۆ زیندووکردنەوەی چلەی ئیمام حوسێن، سەردانی کەربەلایان کرد.