ڕووسیا: لەگەڵ ئۆکراینا دانوستانی ناڕاستەوخۆمان نەبووە

ئاڤا نیوز

 

ڕووسیا ئەو ڕاپۆرتانە ڕەتدەکاتەوە کە باس لەوە دەکەن هێرشی ئۆکراینا بۆ نێو خاکی ڕووسیا دانوستانە ناڕاستەوخۆکانی نێوانیانی وەستاندبێت و ئاماژە بەوە دەدات، هیچ دانوستانی لەو شێوەیەی نەبووە.

لێدوانی فەرمی: ماریا زاخارۆڤا، گوتەبێژی وەزارەتی دەرەوەی ڕووسیا ڕایگەیاند: "هیچ دانوستانێکی ڕاستەوخۆ یان ناڕاستەوخۆ لە نێوان ڕووسیا و ڕژێمی کیێڤدا نەبووە".

 

زانیاریی بەدەستهاتوو: ڕۆژنامەی واشنتن پۆست لە ڕاپۆرتێکیدا ئاماژەی بەوە کردووە کە ڕووسیا و ئۆکراینا پلانیان هەبووە ئەم مانگە شاندی دانوستانکاریان بۆ قەتەر بنێرن تا سەبارەت بە ڕاگرتنی هێرش بۆ سەر ژێرخانی وزەی یەکدی گفتوگۆ بکەن.

 

زانیاریی زیاتر: ڕۆژنامەکە ئەوەشی گوتووە کە ئەگەری هەبوو ئەو گفتوگۆیانە ئاگربەستێکی ڕێژەییان لێ بکەوتایەتەوە. بەڵام هێرشی ئۆکراینا بۆ سەر هەرێمی کورسک بووەتە هۆی ئەوەی ئەمە جێبەجێ نەکرێت.