سەربازگەی ڕەشید لە بەغدا دەكرێتە گەورەترین شوێنی گەشتیاری

ئاڤا نیوز

 

هاوشێوەی پاركی سامی عەبدولڕەحمان، حكومەتی عێراق بڕیاریدا گەورەترین سەربازگەی شاری بەغدا بكاتە شوێنێكی گەشتیاری نموونەیی.

 

وێنە گەورەکە: ئەنجوومەنی وەزیرانی عێراق لە كۆبوونەوەی ئەمڕۆیدا ڕەزامەندی دەربڕی زەویی سەربازگەی ڕەشید بدرێتە چەند كۆمپانیایەكی وەبەرهێنان بۆ دروستكردنی گەورەترین ناوچەی گەشتیاریی گشتی لەسەر ئاستی عێراق.

 

لێدوانی فەرمی: محەمەد ڕوبەیعی، گوتەبێژی ئەمانەتی بەغدا بەئاڤا نیوزی گوت: "ئەنجوومەنی وەزیرانی عێراق پڕۆژەی دروستكردنی پاڕكەكەی ڕەوانەی سێ كۆمپانیای هاوپێمان كرد كە یەكێكیان كوردە".

 

زانیاریی زیاتر: "پڕۆژەکە ناوی 'دارستانی بەغدا' دەبێت، لەسەر ڕووبەری 5 هەزار دۆنم دووجا دروست دەکرێت". محەمەد ڕوبەیعی ئەمەشی گوت.

قووڵتر: ڕوبەیعی ئاماژە بەوەش دەدات: "هەر لە پڕۆژەکەدا، هۆتێلێکی حەوت ئەستێرە، مۆڵ و یاریگەیەكی گۆڵف بەردەست دەبن".