ئاڤا میدیا لە فێستیڤاڵی فیلمی بەرلینالە دەبێت

ئاڤا نیوز

74ـەمین خولی فێستیڤاڵی بەرلینالە لە 15ـی ئەم مانگە دەستپێدەکات و لە 26ـی مانگ کۆتایی دێت. 20 فیلم بۆ بردنەوەی خەڵاتی ورچی زێڕین پێشبڕکێی دەکەن.

چیرۆکی سەرەکی: ساڵانە لە بەرلینی پایتەختی ئەڵمانیا، فێستیڤاڵی فیلمی بەرلین ناسراو بە (بەرلینالە) دەکرێت. بەگشتی لەنێوان 350 – 400 فیلم پێشان دەدرێن و چەند فیلمێکیش بۆ بەدەستهێنانی خەڵاتی فێستیڤاڵ ڕکابەری دەکەن، کە ورچی زێڕینە. بەشێکی فیلمەکانیش لە بازاڕی ئەوروپیدا مامەڵەیان پێودەکرێت.

 زانیاریی زیاتر: بەختیار فەتاح، بەڕێوەبەری بەرهەمهێنانی ئاڤا میدیا، یەکێکە لە میوانانی فێستیڤاڵەکە و وەک دەرهێنەرێکی کوردی – سویدی بانگهێشت کراوە. دەڵێت: ئەمساڵ فێستیڤاڵەکە دەبێتە سەکۆیەک بۆ گفتوگۆی ئاشتییانە سەبارەت بەو کێشانەی لە ڕۆژهەڵاتی ناوەڕاست هەن.

 
ئەمەش بزانە: لە فێستیڤاڵی بەرلینالە، بێجگە لە پێشبڕكێی فیلمەکان و نمایشکردنیان، بەهرەمەندانی بەرلینالە بەشێکی تایبەتیان هەیە و وۆرکشۆپ دەکرێتەوە بۆ گۆڕینەوەی بیروڕا و پێشکەوتنەکانی فیلمسازی.