پڕۆژەیەكی گرنگی كارەبا لە چەمچەماڵ جێبەجێ دەكرێت

ئاڤا نیوز  

لە سنووری چەمچەماڵ، پڕۆژەیەكی گرنگی كارەبا جێبەجێ دەكرێت و گرفتی كارەبای چەند شارۆچكەیەك چارەسەر دەكات.

بۆچی گرنگە: ئەم پڕۆژەیە لەڕووی دابینكردنی كارەباوە سوودی زۆری بۆ دانیشتووانی چەند شارۆچكەیەكی ناوچەكە دەبێت، گرنگییەكی زۆریشی بۆ چارەسەری کێشەی بارزۆریی وێستگەی 132 کەی ڤیی چەمچەماڵ هەیە.

ڕاگەیێنراوی فەرمی: وەزارەتی كارەبای حكومەتی هەرێمی كوردستان ڕایگەیاند: پڕۆژەی هێڵی 33 کەی ڤیی (بەردەقارەمان – بازیان) و (بەردەقارەمان – تەکیە) بە بڕی 3.5 ملیار دینار جێبەجێ دەكرێت.

زانیاریی زیاتر: پڕۆژەكە چەند ڕۆژێكی دیكە تەواو دەبێت و کێشەی کەمیی ڤۆڵتیەی ناحیەی ئاغجەلەر چارەسەر دەکات، سوودی بۆ ناوچەکانی بازیان و بەردەقارەمان و تەکیە دەبێت.