توێژینەوەیەکی نوێ؛ لە کورتەڤیدیۆکانی تۆڕە کۆمەڵایەتییەکان دوورکەونەوە

ئاڤا نیوز

لە توێژنەوەیەکی نوێدا دەرکەتووە، تەماشاکردنی کورتەڤیدیۆکانی تۆڕە کۆمەڵایەتییەکان خێرا گۆڕینیان کاریگەری خراپی دەبێت و بێزاریی زیاتری لێدەکەوێتەوە.

وێنە گەورەکە: ئێستا تۆڕە کۆمەڵایەتییەکان بوونەتە بەشێکی دانەبڕاو لە ژیانی ڕۆژانەی خەڵک، زۆر کەس لەکاتی بێزاریدا  دەچنە نێو تۆڕە کۆمەڵایەتییەکان و خۆیان بە تەماشاکردنی کورتەڤیدیۆکان سەرقاڵ دەکەن، بەڵام بێئاگان لەوەی بێزارییان زیاتر دەبێت.

بڵاوکراوەی فەرمی: توێژینەوەیەک لە زانکۆی تۆرۆنتۆ لەسەر هەزار و 200 بەشداربووی ئەمریکی کراوە، دەرکەوتووە گەڕان بەدوای ڤیدیۆی کورت بۆ نەهێشتنی بێزاری، مرۆڤ بێزارتر دەکات.

ئەمەش بزانە: لە توێژینەوەکەدا دەرکەوتووە، ئەو بەشداربووانەی زیاتر هەستیان بە بێزاربوون کردووە، ئەو کەسانە بوون خێرا ڤیدیۆکانیان گۆڕیوە و لەسەر ڤیدیۆیەکی درێژ نەوەستاون و تاوەکو کۆتایی تەماشایان نەکردووە.