فەرماندەی گشتیی هێزەکانی هاوپەیمانان جەخت لە خەباتی پێکەوەیی نێوان هەولێر و واشنتن دەکاتەوە

ئاڤا نیوز

 

سەرۆکوەزیران بارزانی و فەرماندەی گشتیی نوێی هێزەکانی هاوپەیمانان یەکخستنەوەی هێزەکانی پێشمەرگە و چاکسازییەکانی وەزارەتی پێشمەرگەیان تاوتوێ کرد.

 

چیرۆکی سەرەکی: ڕۆژی 22-8-2024، سەرۆکوەزیران بارزانی و جەنەراڵ کێڤن لێیهی، فەرماندەی گشتیی نوێی هێزەكانی هاوپەیمانان لە عێراق و سووریا کۆبوونەوە.

 

ڕاگەیێنراوی فەرمی: سەرۆکوەزیران بارزانی پیرۆزبایی دەستبەکاربوونی لە فەرماندەی گشتیی هێزەکانی هاوپەیمانان کرد، سوپاسی پشتگیرییە بەردەوامەکانی ئەمریکا و هاوپەیمانانی بۆ هەرێمی کوردستان کرد.

 

لە لایەکی دیکەوە: جەنەراڵ کێڤن لێیهی، جەختی لە گرنگی و هاوبەشی و بەهاداریی خەباتی پێکەوەیی نێوان هەرێمی کوردستان و ئەمریکا کردەوە.

 

ئەوەی پێویستە بیزانیت: تەوەرێکی دیکەی گفتوگۆکان لەسەر پێشکەوتن و یەکخستنەوەی هێزەکانی پێشمەرگە و چاکسازییەکانی تایبەت بە وەزارەتی پێشمەرگە بوو.