وەزارەتی پەروەردەی عێراق نوێنەرایەتییەکانی لە هەرێمی کوردستان دادەخات

ئاڤا نیوز 

 

وەزارەتی پەروەردەی عێراق بڕیاری دا نوێنەرایەتییەکانی لە پارێزگاکانی هەولێر و سلێمانی و دهۆک دابخات، وەک ڕێککارێک بەمەبەستی گەڕاندنەوەی ئاوارەکان بۆ پارێزگاکانیان.

نووسراوی فەرمی: وەزارەتی پەروەردەی عێراق نووسراوی ئاراستەی نوێنەرایەتییەکانی لە هەرێمی کوردستان کردووە، ڕۆژی 30-07-2024 دوا وادەیە بۆ داخستنی کەمپی ئاوارەکان و گەڕانەوەیان بۆ شارەکانی خۆیان، پشتبەستوو بەو بڕیارەی حکومەتی عێراق دەریکردووە، لەهەمان کاتدا نوێنەرایەتییەکانی دادەخات، پێویستە نوێنەرایەتیەکانیش ئیستا ڕێوشوێنی پێویست و بەپەلە بگرنە بەر بۆ داخستنیان.

 

ئەوەی پێویستە بیزانیت: حکومەتی عێراق بڕیاری داوە 30 تەمموزی ئەمساڵ سەرجەم کەمپی ئاوارەکان لە هەرێمی کوردستان دابخرێن، هەر ئاوارەیەک بگەڕێتەوە لە هاوکارییەکان سوودمەند دەبێت.