گرووپە چەکدارەکانی نزیک لە ئێران: ئاگربەست کۆتایی هات

ئاڤا نیوز

گرووپە چەکدارەکانی نزیک لە ئێران ئاشکرایان کرد، لەمەودوا پابەند نابن بە ئاگربەست لەگەڵ هێزەکانی ئەمریکا لەعێراق، هێرشەکانیانیشیان دەستپێدەکەنەوە.

وێنە گەورەكە: گرووپە چەکدارەکانی نزیک لە ئێران کە ناوی خۆیان ناوە "مقاوەمەی ئیسلامی" ڕێككه‌وتوون له‌سه‌ر ئه‌وه‌ی هێرشه‌كانیان دژی هێزەکانی ئەمریکا ده‌ستپێبكه‌نه‌وه‌، دوای ئەوەی حکومەتی عێراق بە فەرمی دواخستنی وادەی کۆتاییهاتنی ئەرکی "هاوپەیمانی نێودەوڵەتی"لەعێراق  ڕاگەیاند.

لێدوانی فەرمی: حەیدەر لامی ، ئەندامی ئەنجوومەنی بزووتنەوەی نوجەبا ڕایگەیاند: دوای ئەوەی دانوستان لەسەر کشانەوەی هێزەکانی ئەمریکا لە عێراق شکستی هێنا گروپه‌كانی "مقاوەمەی ئیسلامی"  کۆتاییان بە ئاگربەست  هێنا، سەرجەم بنکەکانی ئەمریکا لە عێراق دەکەنە ئامانج.

ئه‌وه‌ی پێویسته‌ بیزانیت: دوای هاتنی چەکدارانی داعش لە ساڵی 2014 و داگیرکردنی بەشێک لە خاکی عێراق، ئەمریکا هێزی زیاتری ڕەوانەی عێراق کرد، بەڵام دوای نەمانی داعش بەشێک لە هێزە عێراقییەکان داوای کشانەوەی سوپای ئەمریکا دەکەن.