لە شەقامی 150 مەتری بەرزەپردی پیادە دروست دەکرێت

ئاڤا نیوز 

پارێزگاری هەولێر ڕایگەیاند، لە پێناو سەلامەتی هاتووچۆی هاونیشتمانیان بەرزەپردی پەڕینەوەی پیادە لەسەر شەقامی 150 مەتری دروست دەکەن.

لێدوانی فەرمی: ئومێد خۆشناو، پارێزگاری هەولێر بە ئاڤا نیوزی گوت: بەرزەپردی پەڕینەوەی پیادە لەسەر شەقامی 150 مەتری دروست دەکرێت.

زانیاريی زیاتر: 180 ڕۆژ بۆ تەواوکردنی پرۆژەکە دانراوە و شوێن و دیزاین و نەخشەی بۆ دانراوە، تیمەکان ڕاسپێردراون زووتر لە کاتی دیاریکراو جێبەجێی بکەن.

ئەمەش بزانە: تێچووی پرۆژەکە 385 ملیۆن دینارە و لەسەر بوودجەی پەرەپێدانی هاتووچۆی هەولێرە.

بۆچی گرنگە: دروستکردنی بەرزەپرد سەلامەتی هاووڵاتیان  و هاتووچۆیان لەسەر شەقامە خێراکاندا دەستەبەر دەکات، شەقامی 150 مەتری یەکێکە لە شەقامە خێراکان و هاتووچۆی زۆری لەسەرە.