لە بەغدا 100 ملیۆن دینار دەدزێت و لە هەولێر دەستگیردەكرێت

ئاڤا نیوز 

هاووڵاتییەکی عەرەب لە بەغدا زیاتر لە 100 ملیۆن دیناری دزیوە، بەڵام لەبازگەی شێراوای هەولێر دەستگیركرا.

ڕاگەیێنراوی فەرمیی: بەڕێوەبەرایەتی ئاسایشی گشتی هەولێر ڕایگەیاند: هاووڵاتی (ع . أ . م) بە نەتەوە  عەرەب و نیشتەجێی شاری بەغدا ئاگاداری کردینەوە، کە 155 ملیۆن دیناری لە بەغدا لێ دزراوە و ئەوانیش توانیویانە تۆمەتبار (ع . ر .ج) لە کاتی هاتنی بۆ هەولێر لە بازگەی شێراوە دەستگیر بکەن.

زانیاریی زیاتر: کۆی پارەکە ڕادەستی خاوەنەکەی کراوەتەوە و پەڕاوی لێکۆڵینەوەش بۆ تۆمەتبار کراوەتەوە.ئاسایشی هەولێر وادەڵێت.

بۆچی گرنگە: دەستگیرکردنی تۆمەتبارێکی دزیی لە بەغدا و دەستگیرکردنی لە هەولێر چاوکراوەیی و چالاکی هێزە ئەمنییەکانی هەرێمی کوردستان دەردەخات.