زانایانی چین لە خاکی مانگ ئاو بەرهەم دەهێنن

ئاڤا نیوز

 

زانایانی چین سەرقاڵی پڕۆژەیەکن و دەیانەوێت ئاو لە خاکی مانگ بەرهەم بهێنن.

 

چیرۆکیی سەرەکی: تەلەڤیزیۆنی ناوەندیی چین بڵاویکردووەتەوە، زانایانی وڵاتەکە سەرکەوتوو بوون لەوەی لە خاکی مانگ، بڕێکی زۆر ئاو بەرهەم بهێنن.

 

وێنە گەورەکە: لە ساڵی 2020، کەشتیی ئاسمانیی 'چانگ ئا-5' بۆ یەکەمجار لە چینەوە گەیشتە سەر مانگ.

ئەوەی ئێستا ڕوودەدات: زانایانی چین گەیشتوونەتە ئەو ئەنجامەی لە خاکی مانگ، بڕێکی زۆر ئاو هەیە. لە هەر تۆنێک لە خاکی مانگدا، دەتوانن 51 تا 76 کگم ئاو بەرهەم بهێنن کە دەکاتە 100 شووشەی نیو لیتری، ئەمەش یەکسانە بە ئاوی خواردنەوەی 50 کەس لە ڕۆژێکدا.

ئەوەی پێشبینی دەکرێت: ئاژانسی بۆشایی ئاسمانی چین بڕیاریداوە لە 2035، بنکەیەکی سەرەکی لەسەر مانگ دروست بکات. هەروەها لە 2045 خولگەیەکی ئاسمانی بە دەوری مانگدا دروست بکات.

 

ئەوەی پێویستە بیزانیت: زانایانی ناسا پێیان وایە، ئەو بڕە ئاوەی لەسەر مانگ هەیە، دەتوانرێت وەک سووتەمەنیی مووشەکی هایدرۆجینی بەکاربهێنرێت.