وەزارەتی كار: كرێكار دەتوانێت سكاڵا لەدژی خاوەن كارەكەی تۆمار بكات

ئاڤا نیوز  

وەزارەتی کار و کاروباری کۆمەڵایەتی حکومەتی هەرێمی کوردستان ڕایدەگەیێنێت، هەر کرێکارێک پێشێلکاری بەرامبەر بکرێت دەتوانێت سکاڵا لەدژی خاوەن کارەکەی تۆمار بکات.

وێنە گەورەکە: بەڕێوەبەرایەتیی کار و دەسەبەری کۆمەڵایەتی چەند زانیارییەکی گرنگ بۆ کرێکاران بڵاو دەکاتەوە و هۆشیاریی زیاتریان سەبارەت بە تۆمارکردنی سکاڵا لەدژی خاوەن کارەکانیان پێدەدات.

بڵاوکراوەی فەرمی: بەڕێوەبەرایەتیی کار و دەسەبەری کۆمەڵایەتی ڕایگەیاند: ئەگەر خاوەن کار پێشێلکاری بەرامبەر کردن، پابەند نەبوو بە یاسا و ڕێنماییەکان، ڕێژەی کرێکاری بیانی لە پڕۆژەکەدا لە %25 زیاتر بوو، لە دەستەبەری کۆمەڵایەتی بۆ کرێکاران دەستەبەری نەکردن یان هەر کردارێکی دیکە کە هەستان کرد پێچەوانەی یاسا و ڕێنماییەکانە دەتوانن سکاڵا تۆمار بکەن.

زانیاریی زیاتر: کرێکارەکان دەتوانن ڕاستەوخۆ پەیوەندی بکەن بە هێڵی هۆشیاری کرێکاران ژمارە (5500)یان لەڕێگەی (واتسەپ یان ڤایبەر) نامە بنێرن بۆ ژمارە (07721225500) بە شێوەی نووسین یان پەیامی دەنگی، لە زووترین کاتدا لیژنەکانی پشکنەران بەدواداچوون بۆ سکاڵاکە دەکەن.