هەشت تووشبووی كۆلێرا لە سلێمانی تۆماركرا

ئاڤا نیوز

وەزیری تەندروستی هەرێمی كوردستان ڕایگەیاند " هەشت حاڵەتی پۆزەتیڤی كۆلێرا لە سلێمانی تۆمار كراوە".

 

وێنە گەورەكە: ماوەی چەند ساڵێكە لە پارێزگای سلێمانی حاڵەتەكانی نەخۆشی كۆلێرا تۆمار دەكرێن و هێشتا چارەسەرێكی بنەڕەتی بۆ ئەو نەخۆشییە دیارینەكراوە.

 

لێدوانی فەرمی: د.سامان بەرزنجی وەزیری تەندروستی حكومەتی هەرێمی كوردستان ڕایگەیاند: ساڵانە حاڵەتەكانی نەخۆشی كۆلێرا هەبووە، بەڵام هەوڵی كۆنتڕۆڵكردن و ڕێگریكردنی كراوە، ڕۆژانە لەڕێگەی پشكنینی سەرچاوەی ئاوی خواردنەوە چاودێری ئاوی سلێمانی دەكرێت، هەشت حاڵەتی كۆلێرا لەو پارێزگایە تۆماركراوە.

 

زانیاریی زیاتر: لە سلێمانی بەشێكی نەخۆشی كۆلێرا پەیوەندی هەیە بە سەرچاوەی ئاوی خواردنەوە، بەشێكی دیكەی پەیوەندی هەیە بە ئاودانی سەوزە بە ئاوەڕۆی ماڵان.

 

لە لایەكی دیكەوە: د.كۆیان زاهیر، بەڕێوەبەری نەخۆشخانەی د.جەمال ئەحمەد ڕەشیدی منداڵان بە ئاڤا نیوزی ڕاگەیاند: لەناو منداڵان هیچ حاڵەتێكی كۆلێرا تۆمار نەكراوە.