وەسیەتی ئالان دیلۆن جێبەجێ نەکرا

ئاڤا نیوز

ئالان دیلۆن، ئەستێرەی سینەمایی فەرەنسی کە هەفتەی ڕابردوو کۆچی دوایی کرد، وەسیەتی کردبوو سەگەکەی لەگەڵیدا بنێژرێت، بەڵام خێزانەکەی وەسیەتەکەیان جێبەجێ نەکرد.

چیرۆکی سەرەکی: ئالان دیلۆن کە هەفتەی ڕابردوو لە تەمەنی 88 ساڵیدا کۆچی دوایی کرد، ئەمڕۆ شەممە لە ماڵەکەی خۆیدا لە شاری دۆشی لە باشووری پاریس بەخاکسپێردرا.

 

ئەوەی پێویستە بیزانیت: ئالان دیلۆن لە ساڵی 2014 ەوە سەگێکی بە ناوی "لوبۆ" بەخێودەکرد، وەسیەتیشی کردبوو لەکاتی مردنیدا  لەگەڵی بنێژرێت.

لێدوانی فەرمی: دیلۆن لە چاوپێکەوتنێکدا لەگەڵ پاریس ماچ (Paris Match) کە ساڵی 2018 کردوویەتی، گوتبووی "لە ژیانمدا 50 سەگم هەبووە، بەڵام پەیوەندییەکی تایبەتم لەگەڵ لوبۆدا هەیە". 


کاریگەری و لێکەوتەکان: دوای مردنی دیلۆن، چالاکوانانی مافی ئاژەڵان و هاووڵاتیان نیگەرانی خۆیان لە وەسیەتەکەی دەربڕی، هاوکات کۆمەڵەی پاراستنی ئاژەڵانی فەرەنسا پێشنیازی دۆزینەوەی ماڵێکی نوێیان بۆ سەگەکە کردووە.