یەکێتی: هێزەکەی حەشدی شەعبی بە ئاگاداری ئێمە نەهاتووەتە گەرمیان

ئاڤا نیوز

سەرچاوەیەکی ئەمنی لە یەکێتیی نیشتیمانیی کوردستان ڕایگەیاند، هاتنی هێزەکەی حەشدی شەعبی بۆ سنووری گەرمیان بەبێ ئاگاداری هێزە فەرمییەکانی ناوچەکە بووە و دەبێت بکشێنەوە.

وێنە گەورەکە: بەرەبەیانی ئەمڕۆ هێزێکی زۆری حەشدی شەعبی هەڵیانكوتایە سەر بیرە نەوتی چاڵاو خالید لە ناحیەی کوڵەجۆی سنووری گەرمیان و دەستیان بەسەردا گرت، ئێستاش سەرقاڵی لێدانی سەنگەرن لە زنجیرە شاخەکانی ناوچەکە.

لێدوانی فەرمی: سەرچاوەیەکی باڵای یەکێتی ڕایگەیاند: "هاتنی هێزێکی حەشدی شەعبی بۆ سنووری گەرمیان  و کێڵگەی چاڵاو خالید بەزاندنی سنوورە و بێ ئاگاداری هێزە فەرمییەکانی ناوچەکە بووە، بەهیچ شێوەیەک  ڕێگانادرێت لە ناوچەکەدا بمێنێتەوە".

زانیاریی زیاتر: بەرپرسەکەی  یەکێتی ئاماژە بۆ ئەوە دەکات داوایان لە حکومەتی فیدڕاڵ کردووە دەستبەجێ و ڕاستەوخۆ پاشەکشە بە هێزەکە بکرێت و ئەو پێشێلکارییە مایەی قبووڵکردن نییە.

 

ئەوەی پێویستە بیزانیت: بەرپرسێکی حەشدی شەعبی بە هێزەکانی پێشمەرگەی گوتووە ئەوان بە ئاگاداری بافڵ تاڵەبانی هاتوونەتە ناوچەکە بەمەبەستی ئەنجامدانی ئۆپەراسیۆنێکی سەربازیی دژ بە داعش.

 

نوێ دەکرێتەوە...