دوو هونەرمەندی کورد لە هیندستان بە باشترین دەرهێنەر هەڵبژێردران

ئاڤا نیوز

 دوو دەرهێنەری کورد بە ناوەکانی عوسمان محەممەد  و خالیدی فەرەجزادە، خەڵاتی باشترین دەرهێنەر بۆ کورتەفیلمی (چاوی نان) لە دووەمین خولی فێستیڤاڵی نێودەوڵەتیی (مود هاوس) لە هیندستان دەبەنەوە.

لێدوانی فەرمی: عوسمان محەممەد بە ئاڤا نیوزی گوت: "فیلمەکە بە هاوبەشی لە نێوان باشوور و ڕۆژهەڵاتی کوردستان بەرهەمهاتووە، بیرۆکە و کاری دەرهێنانیش بە هاوبەشی لە نێوان من و هونەرمەندی ڕۆژهەڵاتی کوردستان خالیدی فەرەجزادە کراوە".

زانیاریی زیاتر: کۆڵبەری و کیمیابارانکردنی هەڵەبجە پرسی سەرەکی فیلمەکەن، بۆ زیاتر لە 35 فێستیڤاڵی جیهانی نێردراوە و بووەتە براوەی چەندین خەڵاتی وەک؛ باشترین میوزیک، باشترین ئەکتەری منداڵ و باشترین فیلم.

ئەمەش بزانە: فیلمەکە ساڵی 2020 لە ڕۆژهەڵاتی کوردستان وێنەگیراوە و بەردەوامە لە نمایش لە فێستیڤاڵە جیهانییەکاندا.