دوو مۆڵگەی چەکدارانی داعش لە کەرکووک لەنێوبران

ئاڤا نیوز

 

هێزە ئەمنییەکانی عێراق بە هاوبەشی لەگەڵ هێزەکانی ئاسایشی کوردستان دوو مۆڵگەی داعش لە ناحیەی لەیلان لە چوارچێوەی کەرتی ئۆپەراسیۆنەکانی کەرکووک لەنێو دەبەن.

 

وێنە گەورەکە: 542 کیلۆمەتر ناوچەی گرنگی ئەمنی هاوبەش لەنێوان سوپای عێراق و هێزەکانی پێشمەرگە هەن، دەستبەکارنەبوونی لیوا هاوبەشەکان کە ماوەی چەندین ساڵە بڕیاری لەبارەوە دراوە، وایکردووە پاشماوەکانی داعش لەو بۆشاییە ئەمنییانە بەردەوام جموجۆڵیان هەبێت.

 

ڕاگەیێنراوی فەرمی: شانەی ڕاگەیاندنی ئەمنیی عێراق ڕایگەیاند: هێزێکی فەوجی یەکی لیوای 63ـی هێزی تایبەت لەگەڵ کەتیبەیەکی سەر بە فیرقەی هەشتەم و هێزێکی ئاسایشی سلێمانی هەستان بە جێبەجێکردنی ئۆپەراسیۆنێکی جۆری لە کەرتی ئۆپەراسیۆنەکانی کەرکووک لە چیای بور لە دەوروبەری ناحیەی لەیلان.

 

زانیاریی زیاتر: لە ئۆپەراسیۆنەکەدا دوو مۆڵگەی تیرۆریستان وێرانکران و دوو مینیش پووچەڵکرانەوە، هاوکات دەست بەسەر بڕێک چەک و تەقەمەنیش دا گیرا.