سەرۆکوەزیران بارزانی سوپاسی ئیمارات دەکات

ئاڤا نیوز

سەرۆکوەزیران بارزانی لە دوبەی لەگەڵ جێگری سەرۆکی ئیمارات کۆبووەوە و سوپاسی پشتیوانی و هاوکارییە بەردەوامەکانی وڵاتەکەی کرد بۆ هەرێمی کوردستان.

چیرۆکی سەرەکی: سەرۆکوەزیران بارزانی ئەمڕۆ چوارشەممە لەگەڵ شێخ محەممەد بن ڕاشد ئال مەکتووم، جێگری سەرۆکی ئیمارات، سەرۆکی ئەنجومەنی وەزیران و حاکمی دوبەی كۆبووەوە و گفتوگۆیان لەبارەی پەرەپێدانی پەیوەندییەکانیان کرد.

ڕاگەیێنراوی فەرمی: شێخ محەمەد بن راشد، خۆشحاڵی خۆی بە بەشداری شاندی هەرێمی کوردستان لە لووتکەی جیهانیی حکومەتەکان لە دوبەی نیشانداوە، ئامادەیی وڵاتەکەشی بۆ برەودان بە پەیوەندی دوولایەنە لە بوارە جۆراوجۆرەکاندا دەربڕیوە.

 

بۆچی گرنگە: هەرێمی كوردستان و ئیمارات لە چەندین ڕووەوە پەیوەندییەکی بەهێزیان هەیە و بەردەوامیش جەخت لە پتەوكردنی پەیوەندییەكانیان دەكەنەوە.