کەسێک بەهۆی ئاگرەکەی دەروازەی پەروێزخان گیانی لەدەستداوە

ئاڤا نیوز

بەگوتەی بەرگری شارستانی پەروێزخان، هێندەی نەماوە ئاگری تانکەرە گڕگرتووەکانی پەروێزخان کۆنتڕۆڵ بکرێت و نزیکەی 10 تانکەر سووتاون.

لێدوانی فەرمی: نەقیب ئەحمەد، بەڕێوەبەری بەرگری شارستانی پەروێزخان بە ئاڤا نیوزی گوت: نزیکەی 10 تانکەر سووتاوەو کەسێک گیانی لەدەستداوەو کارمەندێکی بەرگری شارستانی بریندارە، بەڵام نزیکە لەوەی ئاگرەکە کۆنتڕۆڵ بکرێت.

لە لایەکی دیکەوە: د.ڕزگار لەتیف، بەڕێوەبەری نەخۆشخانەی شەهید هەژار لە کەلار بە ئاڤا نیوزی ڕاگەیاند: "یەک بریندار گەیێنراوەتە نەخۆشخانە %23ی جەستەی سووتاوە و برینداری دیکەش لەڕێگایە و تیمەکانمان لە ئامادەباشیدان".

ئەوەی پێویستە بیزانیت: ئێوارەی ئەمڕۆ لە دەروازەی نێودەوڵەتی پەروێزخان تانکەرێکی سووتەمەنی تەقیوە بەهۆیەوە ژمارەیەک تانکەری دیکەی سووتاندوە.