ئاگرەکەی پەروێزخان کۆنتڕۆڵکرا

ئاڤا نیوز  

دوای تەقینی تانکەرێکی سووتەمەنی لە مەرزی پەروێزخان، ئاگرەکە کۆنتڕۆڵکرا و حەوت کەسیش بریندارن.

ڕاگەیێنراوی فەرمی: ئیدارەی گەرمیان ڕایگەیاند: ئاگرەکەی دەروازەی پەروێزخان کۆنتڕۆڵکرا، کەسێک گیانی لەدەستدا و حەوت کەسیش بریندارن، بەهۆی ئاگرەکەشەوە 14 تانکەر سووتاون.

لە لایەکی دیکەوە: د.ڕزگار لەتیف، بەڕێوەبەری نەخۆشخانەی شەهید هەژار لە کەلار بە ئاڤا نیوزی ڕاگەیاند: سەرەتای ڕووداوەکە یەک بریندار گەیێنرایە نەخۆشخانە لە %23ی جەستەی سووتاوە.

ئەوەی پێویستە بیزانیت: ئێوارەی ئەمڕۆ لە دەروازەی نێودەوڵەتی پەروێزخان تانکەرێکی سووتەمەنی تەقی، بەهۆیەوە ژمارەیەک تانکەری دیکە سووتان.