ئەمەل سەعید کوردە و سەعدوون کاکەیی بەرهەمێک بڵاودەکەنەوە

ئاڤا نیوز

ئەمەل سەعید کوردە و سەعدوون کاکەیی بەرهەمێکی هاوبەش بڵاودەکەنەوە، وەک خۆیان دەڵێن چەند پەیامێکی لە پشتە. 

چیرۆکی سەرەکی: هونەرمەندان ئەمەل سەعید کوردە و سەعدوون کاکەیی یەکەم بەرهەمی دوێتی خۆیان بە ناوی "هەبوو نەبوو" بڵاودەکەنەوە، بەرهەمەکە کاری میوزیک و دابەشکردنی  لە لایەن لاوک لەتیفەوە بۆ کراوە و تۆمارکردن و مایستەرینگی کارەکە بڵند قەرەداغی کردوویەتی و دیار مەهدی دەرهێنانی بۆ کردووە. 

لێدوانی تایبەت: هونەرمەند ئەمەل سەعید کوردە بۆ ئاڤانیوز گوتی : ئەم بەرهەمەمان چەند پەیامێکی ئەم سەدەیەی لە پشتە، هەر بۆیە ناوی کارەکامان ناوە هەبوو نەبوو، لەبەر ئەوەی ڕۆژگارێک بوو مرۆڤەکان پڕ بوون لە خۆشەویستی و میهرەبانی، بەڵام ئێستا خەریکە کەم دەبنەوە ، پەیامێکی دیکە ئەوەیە جاران دەرگای ماڵان بۆ میوان کراوە بوو ئێستا پێچەوانە بووەتەوە.

زانیاریی زیاتر: پەیامێکی گرنگی دیکەی پشتی ئەم بەرهەمە ئەوەیە، پێویستمان بە دەوایەک هەیە، چونکە هەریەک بە دەردێکەوە گرفتارین.
 ئەمەل سەعیدکوردە وای گوت.