ڕووسیا کۆنترۆڵکردنی ناوچەیەکی ستراتیژی ئۆكراینا ڕادەگەیێنێت

ئاڤا نیوز

ڕووسیا کۆنترۆڵکردنی ناوچەیەکی دیکەی لە نزیک پۆکرۆڤسکی ڕاگەیاند، کە دەکەوێتە ڕۆژئاوای ئۆكراینا و بە ناوچەیەکی ستراتیژی گرنگ دادەنرێت.

 

ڕاگەیێنراوی فەرمی: وەزارەتی بەرگری ڕووسیا ڕایگەیاند: یەکینەکانی هێزەکانی ڕووسیا، لە ئۆپەراسیۆنێکدا شارۆچکەی ئۆرلۆڤکایان لە کۆماری دۆنێتسک ڕزگارکردووە.

 

ئەوەی پێویستە بیزانیت: هاوکات بنکەکانی هێزەکانی ئۆکراینایان کردووەتە ئامانج کە 530 سەرباز و تانک، چوار زرێپۆشی شەڕکەر و 6 ئۆتۆمبێل و ژمارەیەک دەمانچەی تێدابووە.

 

زانیاریی زیاتر: ئەم پێشڕەوییەی ڕووسیا لە کاتێکدایە، کە ئۆکراینا دەڵێت هەزار و 294 کیلۆمەتر چوارگۆشە و  100شوێنی نیشتەجێبوونی لە ناوچەی کورسک کۆنترۆڵکردووە.

 

بۆچوونی لایەنی بەرامبەر: فەرماندەی سوپای ئۆکراینا پشتڕاستی کردەوە،  ڕووسیا هێزەکانی لە میحوەری پۆکرۆڤسک لە ڕۆژهەڵاتی ئۆکراینا بەهێزتر دەکات.