لە سلێمانی ئێوارە کۆڕێکی شیعری ڕێکخرا

ئاڤا نیوز 

 

کۆڕێکی شیعری بۆ هەردوو شاعیری کورد فەرەیدوون بەرزنجی و قوبادی جەلیزادە لە سلێمانی رێکخرا.

 

چیرۆکی سەرەکی: بەڕێوەبەرایەتیی گشتیی ڕۆشنبیری و هونەری سلێمانی بە هاوکاری ڕێکخراوی ڕۆشنبیرانی کورد، کۆڕێکی شیعریی بە ناونیشانی ‘ئێوارەیەک بۆ شیعر پرژێنی ڕۆحتان’ ڕێکخست،  بە ژەنینی چەند پارچە میوزیکێک بە ئامێری تار لەلایەن میوزیکژەن جەزای سازەوە شیعرەکان خوێنرانەوە.

 

لێدوانی فەرمی: نەسرین تەنیا، هاوسەرۆکی ڕێکخراوی ڕۆشنبیرانی کورد - بەریتانیا بە ئاڤا نیوزی ڕاگەیاند، ئامانجمانە گرنگی بە شاعیران و هونەرمەندانی کورد بدەین تا لە ژیاندان و ڕێز لە ماندووبوونیان بگرین.

 

ئەوەش بزانە: ڕێکخراوی ڕۆشنبیرانی کورد - بەریتانیا کاری ئەدەبی هونەری و خێرخوازی دەکات و ئامانجی ناساندنی کورد و کەلتووری کوردییە لە ئەوروپا.