لەبارەی پرۆسەی گواستنەوەی گەنم بۆ ئاشەکان ڕوونکردنەوە دەدرێت

ئاڤا نیوز

بەڕێوەبەری سایلۆی هەولێر ڕایگەیاند، بە دوو قۆناغ گەنم لە سایلۆکانەوە بۆ ئاشەکان دەگوازرێتەوە.

لێدوانی فەرمی: میران بەختیار بە ئاڤا نیوزی گوت: پرۆسەی گواستنەوەی گەنم لە سایلۆوە بۆ ئاشەکان لەلایەن بەغداوە بڕیاری لەسەر دەدرێت و  پڕۆسەکەش 50 بە 50 دەکرێت، لە قۆناغی یەکەمدا گەنم دەگوازرێتەوە بۆ کۆگاکان، هەفتەی داهاتووش قۆناغی دووەم دەستپێدەکات.

 زانیاری زیاتر: لەلایەن بەغداوە بەش بەش پارە بۆ پرۆسەکە تەرخان دەکرێت.

ئەمەش بزانە: ئەمساڵ سایلۆی هەولێر زیاتر لە 222 هەزار تۆن گەنمی وەرگرتووە، کۆی گشتیی گەنمی وەرگیراو لە هەرێمی کوردستانیش زیاترە لە 685 هەزار تۆن.