عێراق 10 هەزار کەس بەتۆمەتی بەکارهێنان و مامەڵەکردن بە ماددەی هۆشبەر دەستگیردەکات

ئاڤا نیوز

 

وەزارەتی ناوخۆی عێراق ئاماری ڕووبەڕوبوونەوەی ماددە هۆشبەرەکانی بۆ شەش مانگی یەکەمی ئەمساڵ بڵاوکردەوە، دەڵێت لەو ماوەیەدا زیاتر لە 10 هەزار کەس بەتۆمەتی بەکارهێنان و مامەڵەکردن بە ماددەی هۆشبەر دەستگیر کراون.

 

وێنە گەورەکە: ئامارەکانی بەکارهێنانی ماددەی هۆشبەر لە عێراق زیادیانکردووە، بەگوێرەی ئامارەکانی وەزارەتی ناوخۆی عێراقیش، لە حەوت مانگی یەکەمی ئەمساڵدا دەستبەسەر زیاتر لە دوو تۆن ماددەی هۆشبەردا گیراوە.

 

ڕاگەیێنراوی فەرمی: وەزارەتی ناوخۆی عێراق بڵاویکردەوە، لە شەش مانگی یەکەمی ئەمساڵدا 10 هەزار و 783 کەس بەتۆمەتی بەکارهێنان و مامەڵەکردن ماددەی هۆشبەر دەستگیرکراون، لەو ژمارەیەش پێنج هەزار و 500 کەس لەلایەن دادگاوە سزای زیندانیکردنیان بەسەردا سەپێنراوە.

 

ژمارەکان وادەڵێن: لەناو ئەوانەی سزادراون، 140 کەسیان سزای لەسێدارەدران و 500 کەسی دیکەشیان بەتۆمەتی بازرگانیکردن بە ماددەی هۆشبەر سزای زیندانی هەتاهەتاییان بەسەردا سەپێنراوە.