پووتین: نزیکین لە دروستکردنی ڤاکسینی شێرپەنجە

ئاڤا نیوز

 

ڤلادمیر پووتین، سەرۆکی ڕووسیا ئاشکرایکرد، زانایانی وڵاتەکەی لە دروستکردنی ڤاکسینێک بۆ شێرپەنجە نزیکبوونەتەوە کە بەمزووانە بۆ نەخۆشان بەردەست دەبێت.

 

وێنە گەورەکە: چەندین وڵات لە پێشبڕکێی ئەوەدان ڤاکسینێک بۆ  شێرپەنجە بدۆزنەوە. کۆمپانیاکانی دەرمانسازیی "مۆدێرنا و مێرک ئاند کۆ"ـی ئەمریکی سەرقاڵی پەرەپێدانی ڤاکسینێکی شێرپەنجەن کە تا ئێستا لەژێر تاقیکردنەوەدایە.

 

لێدوانی فەرمی: "زۆر نزیک بووینەتەوە لە دروستکردنی ڤاکسینی شێرپەنجە و دەرمانێک کە بەرگریی دژی شێرپەنجە دروست دەکات". ئەمە گوتەی پووتین بوو لە کۆڕبەندێکی تەکنەلۆژی لە مۆسکۆ.

 

ئەوەی پێویستە بیزانیت: ئەو ڤاکسینە ڕووسیەی ئێستا لەژێر تاقیکردنەوەدایە، تاوەکو ئێستا دیارینەکراوە کە چ جۆرە شێرپەنجەیەک چارەسەر دەکات و سەرۆکی ڕووسیاش هیچ زانیارییەکی لەبارەیەوە نەخستووتەڕوو.