دوو تیمی عێراق لە پاڵەوانێتیی جیهانیی ڕۆبۆت یەکەم دەبن

ئاڤا نیوز

دوو تیمی عێراقی لە پاڵەوانێتیی جیهانیی ڕۆبۆت لە وڵاتی هیندستان بەشدارییان کرد و هەردووکیان توانییان پلەی یەکەم بەدەستبێنن.

وێنە گەورەکە: پاڵەوانێتیی جیهانیی ڕۆبۆت لە ڕۆژانی 24 تاوەکو 27ی ئابی 2024، لە شاری نیودلهی بە بەشداریی 50 تیم لە چەندین وڵات کە دوویان  عێراقی بوون بەڕێوەچوو.

ڕاگەیێنراوی فەرمی: وائیل عەکایشی، نوێنەری عێراق و ئەندامی یەکێتیی نێودەوڵەتیی وەرزشی ئەلیکترۆنی ڕایگەیاند: دوو تیم لە سەڵاحەدین و ئەنبار لە دوو کێبڕکێی سۆمۆ ڕۆبۆت و داهێنان بەشدارییان کرد و توانیان پلەی یەکەم بەدەستبێنن. 

ئەوەی پێویستە بیزانیت: عێراق ئەندامە لە یەکێتیی نێودەوڵەیتی وەرزشی ئەلیکترۆنی لە هیندستان، ساڵانەش پاڵەوانێتییەکی نیشتمانیی ڕۆبۆت لە عێراق دەکرێت و یەکەمەکان سەردەکەون بۆ بەشداریکردن لە پاڵەوانێتییە جیهانییەکە.