تایلەند دەیەوێت لەڕووی بازرگانییەوە گرنگی بە هەرێمی کوردستان بدات

ئاڤا نیوز

 

وێنە گەورەکە: ئەمڕۆ چوارشەممە، 28-8-2024 شاندێکی فەرمی و بازرگانی تایلەند بە سەرۆکایەتیی باڵیۆزی تایلەند لە ئوردن و باڵیۆزی نانیشتەجێ لە عێراق کە پێکهاتبوون لە 30 کەس،  سەردانی ژووری بازرگانی هەولێریان کرد.

لێدوانی فەرمی: گەیلان سەعید، سەرۆکی ژووری بازرگانی هەولێر ڕاگەیاند: "هەوڵدەدەین باشترین پەیوەندی ئابووری لە نێوان هەرێمی کوردستان و تایلەند دروستبکەین، بۆ ئەوەی ژێرخانی ئابووری پتەوتربکەین، داوامان لە کۆمپانیا و سەرمایەداران کردووە بێن لێرە سەرمایەگوزاری بکەن".

لەلایەکی دیکەوە: سوپارک پرۆنگتورا، باڵیۆزی  شاهانەی تایلەند لە ئوردن ڕایگەیاند: "قەبارەی بازرگانی نێوان تایلەند و عێراق 1.2 ملیار دۆلارە، خۆشحاڵین ئێمە لێرەین هاتووین بواری بازرگانی و گەشتیاریمان فراوانتر بکەین".

ئەمەش بزانە: وا بڕیارە سبەی شاندەکە دوای کۆبوونەوەیان لەگەڵ ژمارەیەک بازرگانی کورد، سەردانی  وەزارەتی شارەوانی و گەشتوگوزاری هەرێمی کوردستان و قەڵای هەولێر بکەن.