سەرۆكی هەرێمی كوردستان: پێویستە سنوورێك بۆ گرووپە چەكدارەكان دابنێرت

ئاڤا نیوز

سەرۆکی هەرێمی کوردستان ڕایگەیاند "پێویستە سنوورێک بۆ کارەکانی گرووپە چەکدارەکان دابنرێت".ڕەتیشیدەکاتەوە هیچ پەیوەندییەک لەنێوان هەرێم و ئیسرائیلدا هەبێت.

لێدوانی فەرمی: نێچیرڤان بارزانی، سەرۆکی هەرێمی کوردستان لە چاوپێکەوتنێکیدا لەگەڵ کەناڵی ئەلعەرەبییە ڕایگەیاند "هەرێمی کوردستان ترسی ئەوەی هەیە کە بەغدا نەتوانێت بیپارێزێت، ئاڵنگارییەکانی ئێستا لە قۆناغی داعش قورسترن، هەرێمی کوردستان لە چوارچێوەی عێراقدا بڕیار لە چارەنووسی بوونی هێزەکانی هاوپەیمانان دەدات، نەک بەتەنها". ڕەتیشیدەکاتەوە هیچ پەیوەندییەک لەنێوان هەرێم و ئیسرائیلدا هەبێت و دەڵێت "هیچ بارەگایەکی مۆسادمان نییە".

" تۆمەتەکانی ئێران سەبارەت بە بوونی هێزەکانی مۆساد لە هەرێمی کوردستان ڕاست نییە، تاران هیچ بەڵگەیەکی نەخستە بەردەم بەغدا سەبارەت بە بوونی هێزەکانی مۆساد لە هەرێمی کوردستان، هەرێمی کوردستان سەرچاوەی هەڕەشە نییە بۆ سەر ئێران" سەرۆکی هەرێمی کوردستان لە چاوپێکەوتنەکەدا وای گوت.

لەبارەی پەیوەندییەکان لەگەڵ ئەنقەرە، سەرۆکی هەرێمی کوردستان گوتی "ئێمە بە هەموو شێوەیەک ئەوە ڕەتدەکەینەوە کە پەکەکە خاکی ئێمە دژبە تورکیا بەکاربێنێت، پەکەکە هەڕەشەیە بۆ سەر دراوسێکانمان، سەرئێشەیەکی گەورەیە بۆ ئێمە و بەغدا".