دوو کەس بە تۆمەتی سووتاندنی قورئان دادگەیی دەکرێن

ئاڤا نیوز  

دوو کەس لە سوێد بە تۆمەتی سوکایەتی کردن بە باوەڕی موسڵمانان و مامەڵەی نەشیاو بە قورئان دادگەیی دەكرێن.

وێنە گەورەکە: لە هاوینی 2023دا، سەلوان مۆمیکا و سەلوان نەجم لە پێش مزگەوتێک لە ستۆکهۆڵم قورئانیان سووتاند، ئەمەش بووە هۆی تووڕەکردنی هەموو موسڵمانانی جیهان.

لێدوانی فەرمی: ئانا هانکیۆ، داواکاری گشتیی باڵا لە سوێد، ڕایگەیاند: هەردوو پیاوەکە بە مەبەستی سووکایەتیکردن بە باوەڕی موسڵمانان قورئان دەسووتێنن، هەر بۆیە لەبەر ئەم کارە دادگەیی دەکرێن، یاسا ڕێگری لە بێڕێزیکردن بەرامبەر بە هەر نەتەوە و ئایینێک دەکات. 

زانیاریی زیاتر: لە وەڵامی ئەم بێڕێزییە لە 2023، خۆپیشاندەران لە عێراق دووجار هەڵیانکوتایە سەر باڵیۆزخانەی سوێد لە بەغدا و سووتاندیان. 

ئەمەش بزانە: دەزگای کۆچبەری سوێد ڕایگەیاندووە، دەیانەوێت سەلوان مۆمیکا بەهۆی زانیاریی ناڕاست لەسەر داواکارییەکەی بۆ نیشتەجێبوون دیپۆرت بکەنەوە، بەڵام فەرمانەکە جێبەجێ ناکرێت بەهۆی مەترسی ئەشکەنجەدانی لە عێراق.